GAZAL OF HAZRAT ISHQ PAAK(RA)

1.

Chashme me khalq ke gomisle hubab aata hu
Ain dariya hu haqiqat me baha jata hu
Kaif kam mere jo hai mouje hubabe dariya
Mujhi se uthte hai or mai hi baha jata hu

2.

Hu bahu yaar ke sache me dhala jata hu
Rafta rafta teri tasveer hua jata hu
Dost hai dost ka rahzan ye tamasha kya hai
Ishq hu ishq ki rahon me luta jata hu

3.

khuun ka qatra nahin hai chashm-e-giryan ab talak

uzv saare jal gae par dil hai bariyan ab talak

so zaban ho misl-e-shana maazarat ki mu-ba-mu

saf-dil hoti nahin vo zulf-e-pechan ab talak

kahiyo ai qasid payam us ko ki tere hijr se

jan-ba-lab pahuncha nahin aata hai tu yaan ab talak

sun ke na-ḳhush ho kaha nisbat thi mujh se ishaq ki

so ye ab maalum hui tis par hai nazan ab talak

ishq ka daava kiya aur hijr men jiita raha

phiir to shaki hai ham se kahiyo nadan ab talak

4.

Chehra pe jo tere nazar kar gaya

jaan se vo apnī guzar kar gaya

jis ki taraf se tiri ankhen phirin

ashk ke manind safar kar gaya

munh ko dekha apne vo ḳhurshidru

sham-e-ghariban ko sahar kar gaya

us ko nikale koi kis taur se

tir-e-mizha siine men ghar kar gaya

ruḳhsat ma uud thi hichki na thi

chalte hue dam ye ḳhabar kar gaya

jo koi bai Tha tire kuche men aa

uth na saka yaaro vo mar kar gaya

jis ki nazar 'ishq' ke uupar padi

chashm ke taiin apni vo tar kar gaya